Instituti Hidrometeorologjik i Kosovës (IHMK), ka bërë të ditur se pas reshjeve që përfshinë pothuajse të gjithë territorin e vendit, situata meteorologjike është stabilizuar.
Megjithatë, sipas IHMK-së, java që nis sot do të karakterizohet nga depërtimi i masave të ftohta ajrore, të cilat do të përfshijnë gjithë territorin e Kosovës, duke shkaktuar rënie të ndjeshme të temperaturave.
Temperaturat minimale në orët e mëngjesit pritet të zbresin deri në -12 gradë Celsius, ndërsa maksimalet ditore do të arrijnë deri në 7 gradë.
Instituti u ka bërë thirrje ngasësve që të kenë kujdes të shtuar gjatë qarkullimit, për shkak të mundësisë së krijimit të ngricave në rrugë.
Të hënën parashihet mot kryesisht i vranët me intervale me diell. Temperaturat minimale do të sillen nga -11 deri në -8 gradë Celsius, ndërsa maksimalet nga -5 deri në -1.
Të martën pritet mot kryesisht i vranët, me temperatura minimale nga -12 deri në -7 dhe maksimale nga -2 deri në 2 gradë Celsius.
Të mërkurën parashihet mot kryesisht i vranët me intervale me diell. Temperaturat minimale do të jenë nga -5 deri në -2, ndërsa maksimalet nga 1 deri në 5 gradë.
Të enjten do të mbajë mot i vranët me intervale me diell. Temperaturat minimale pritet të jenë nga -5 deri në -1, ndërsa maksimalet nga 3 deri në 7 gradë Celsius.
Të premten parashihet mot i ngjashëm, me temperatura minimale deri në -5 dhe maksimale deri në 7 gradë Celsius.
Parashikimi i moti për javën e ardhshme, temperaturat bien deri në -12 gradë