Paneli Zgjedhor për Ankesa dhe Parashtresa (PZAP) ka hedhur poshtë ankesën e Bekim Haxhiut, kandidatit të PDK-së për deputet, duke e konsideruar atë si të pasafatshme.
Haxhiu kërkonte anulimin e votave me postë që u pranuan më 2 dhe 6 janar, duke pretenduar se afati ligjor për pranimin e tyre ishte 29 dhjetori dhe se prania e mbi 23 mijë votave pas këtij afati përbën shkelje të ligjit.
PZAP argumentoi se ankesa është e pasaftashme, pasi është kaluar afati 48-orësh për ngritjen e pretendimeve për shkelje.
Për të njëjtën çështje, PZAP kishte refuzuar më parë një ankesë tjetër të PDK-së lidhur me votat me postë.