Policia e Kosovës ka arrestuar një shtetas të Shqipërisë i cili po punonte në fshatin Shkabaj të Obiliqit.
Sipas raportit 24-orësh të Policisë, i dyshuari derisa ishte duke punuar afër një objekti që është në ndërtim, ka manipuluar në mënyrë të pakontrolluar me vinç, teksa po e drejtonte një kamion.
Si pasojë, vinçi dyshohet se është këputur dhe ka rënë, duke e lënduar viktimën, po ashtu shtetas i Shqipërisë.
Viktima është dërguar menjëherë për tretman mjekësor, ndërsa njësitet policore kanë ndërhyrë në vendin e ngjarjes.
I dyshuari është arrestuar dhe është intervistuar lidhur me rastin.
“Është raportuar se i dyshuari mashkull shtetas i Shqipërisë duke punuar afër një objekti i cili është duke u ndërtuar deri sa ishte duke vozitur kamionin kishte manipuluar në mënyrë të pa kontrolluar me vinç i njëjti iu kishte këputur kishte rënë dhe e kishte lënduar viktimën mashkull shtetas i Shqipërisë. Viktima është dërguar për tretman mjekësor, ndërsa i dyshuari është arrestuar dhe pas intervistimit me vendim të prokurorit është liruar në procedurë të rregullt”, thuhet në raportin policor.