Kryetari i PDK-së, Bedri Hamza, ka pritur në takim ambasadorin e Shqipërisë në Kosovë, Petrit Malajn.
Hamza njoftoi se gjatë takimit u diskutua për forcimin e lidhjeve kombëtare dhe bashkëpunimin ndërmjet Kosovës dhe Shqipërisë, duke theksuar se marrëdhëniet mes dy vendeve shkojnë përtej diplomacisë.
“Bashkëbisedim i hapur me ambasadorin Petrit Malaj për forcimin e lidhjeve kombëtare dhe bashkëpunimin mes Kosovës dhe Shqipërisë. Marrëdhëniet tona shkojnë përtej diplomacisë. Ato janë vëllazëri, histori dhe një e ardhme e përbashkët”, shkroi Hamza.
Ai shtoi se Kosova dhe Shqipëria janë të lidhura ngushtë nga vlerat dhe përgjegjësia ndaj kombit, duke theksuar se të dyja shtetet ecin së bashku drejt së ardhmes.