Policia e Kosovës ka bërë të ditur se stacioni policor në Gjakovë pas një angazhimi të vazhdueshëm operativ dhe veprimeve hetimore, kanë arritur të lokalizojnë dhe arrestojnë dy persona, të kërkuar me urdhër-arrest gjyqësor të cilët ndodheshin në arrati.
“L.K, mashkull 30 vjeç, i dënuar për veprat penale “Vjedhje e rëndë” dhe “Lëndim i lehtë trupor” me 1 vit e 8 muaj burgim dhe L.M mashkull, 27 vjeçar , i dënuar për veprën penale “Vrasje në tentativë” me 3 vjet burgim (përfshirë edhe periudhën e arrestit shtëpiak 6 muaj)”, thuhet në njoftimin policor.
Po ashtu bëhet e ditur se pas arrestimit të dy personat janë dërguar për vuajtje të dënimit konform vendimeve gjyqësore.