Ministria për Evropën dhe Punët e Jashtme e Shqipërisë ka njoftuar lidhur me sitatën në Lindjen e Mesme, duke theksuar se për shkak të përshkallëzimit të tensioneve ushtarake në rajon, gjendja e sigurisë mbetet e paqëndrueshme dhe e paparashikueshme.
Autoritet këshillojnë qytetarët të shmangin çdo udhëtim drejt vendeve të rajonit deri në një njoftim të dytë.
Ata që ndodhen aktualisht atje duhet të tregojnë vigjilencë maksimale dhe të konsiderojnë largimin përmes linjave ajrore, për aq kohë sa fluturimet vijojnë të jenë funksionale.
Ministria u bën thirrje qytetarëve të ndjekin vetëm burime zyrtare dhe mediatike të besueshme, të respektojnë udhëzimet e autoriteteve lokale, të mbajnë dokumentet e udhëtimit dhe mjetet e komunikimit të gatshme, si dhe të kontaktojnë përfaqësitë diplomatike dhe konsullore shqiptare në rast nevoje.
Për më tepër, ministria paralajmëron se, në rast përkeqësimi të situatës, mbyllja e hapësirës ajrore në një perimetër më të gjerë mbetet një mundësi reale dhe fluturimet mund të anulohen pa paralajmërim.