Një person ka mbetur i plagosur nga arma e zjarrit në një incident që ka ndodhur sonte (e diele) në Skenderaj.
Sipas Policisë së Kosovës, rreth orës 21:04 është pranuar informacion për të shtëna me armë zjarri në rrugën “28 Nëntori”.
Zëdhënësi i Policisë për rajonin e Mitrovicës, Avni Zahiti për Dukagjinin ka bërë të ditur se sipas të dhënave fillestare një person i moshës madhore ka mbetur i plagosur dhe është dërguar në spital për trajtim mjekësor.
“Në vendin e ngjarjes janë gjetur gëzhoja, ndërsa njësitet përkatëse policore janë duke zhvilluar hetime për identifikimin dhe arrestimin e personit të dyshuar”, ka thënë Zahiti.
Policia ka nisur hetimet për të zbardhur rrethanat e këtij rasti.