Ministria e Punëve të Jashtme dhe Diasporës ka njoftuar qytetarët se të shtunën, më 14 mars, është paralajmëruar mbajtja e një proteste në pikën kufitare Jarinje, në territorin e Serbisë.
Sipas njoftimi të MPJD-së, rruga pritet të bllokohet për rreth dy orë, nga ora 16:00 deri në ora 18:00, njofton Dukagjini.
“Qytetarët e Republikës së Kosovës që kanë planifikuar të udhëtojnë drejt vendlindjes apo të kalojnë tranzit nëpër këtë segment rrugor, këshillohen që të planifikojnë me kohë lëvizjet e tyre dhe, me qëllim të shmangies së pritjeve të gjata, vonesave apo pengesave eventuale në qarkullim, të shfrytëzojnë rrugë alternative”, thuhet në njoftimin e MPJD-së.
Tutje thuhet se Ministria do të vazhdojë të monitorojë situatën dhe do të informojë qytetarët për çdo zhvillim të ri.
Për informacione shtesë, qytetarët mund të kontaktojnë Qendrën Kombëtare për Menaxhim Kufitar (QKMK) në numrat: +383 (0)45 198 000, +383 (0)45 198 606 ose në numrin pa pagesë 0800 50095.