Policia e Kosovës ka bërë të ditur se ka ndaluar një shtetase të Serbisë në pikëkalimin kufitar në Jarinjë.
Sipas raportit 24-orësh të Policisë, e njëjta ka prezantuar letërnjoftim dhe patentë shofer të falsifikuara, njofton Dukagjini.
“SPK Jarinje 20.03.2026-20:33. Është ndaluar e dyshuara femër shtetase e Serbisë, pasi që e njëjta ka prezantuar letërnjoftimin dhe patentë shoferi që dyshohet të jenë të falsifikuara. Me urdhër të prokurorit dokumentet e dyshuara konfiskohen, ndërsa rasti shkon në procedurë të rregullt”, thuhet në raportin policor.