Kryeministri i Pakistanit, Shehbaz Sharif, ka ofruar vendin e tij si pritës për bisedime paqeje midis SHBA-së dhe Iranit.
“Me dakordësinë e SHBA-së dhe Iranit, Pakistani është gati dhe i nderuar të lehtësojë bisedime domethënëse dhe përfundimtare për një zgjidhje gjithëpërfshirëse të konfliktit në vazhdim,” shkruan Sharif në rrjetet sociale.
Ndërkohë, kryeministri indian Narendra Modi tha se ka zhvilluar një bisedë telefonike me Presidentin Donald Trump, ku kanë shkëmbyer mendime mbi situatën në Lindjen e Mesme.
Modi theksoi se ai dhe Trump ranë dakord të qëndrojnë në kontakt “për përpjekjet drejt paqes dhe stabilitetit” dhe nënvizoi se sigurimi që Ngushtica e Hormuzit “të mbetet e hapur, e sigurt dhe e aksesueshme” është i rëndësishëm për gjithë botën.