Policia e Kosovës ka njoftuar se një burrë është arrestuar në Deçan nën dyshimin për kryerjen e veprës penale të dhunimit.
Sipas raportit 24-orësh, rasti ka ndodhur disa javë më parë, ndërsa i dyshuari është arrestuar më 25 mars rreth orës 08:20.
I njëjti është intervistuar nga organet e rendit, ndërkohë që viktima grua, me urdhër të prokurorit, është dërguar në Institutin e Mjekësisë Ligjore (IML) për ekzaminime mjekësore gjinekologjike.
Me vendim të prokurorit, i dyshuari është dërguar në mbajtje, ndërsa hetimet për rastin janë duke vazhduar.