Shtetet e Bashkuara po intensifikojnë praninë e tyre ushtarake në Lindjen e Mesme, duke përfshirë dislokimin e aeroplanmbajtëses USS George H.W. Bush në zonën e Komandës Qendrore të SHBA-së, sipas burimeve të CBS News.
Kjo anije luftarake, e cila funksionon si një bazë ajrore lundruese me kapacitet për mbi 80 avionë, ka përfunduar stërvitjet para vendosjes në fillim të këtij muaji dhe pritet të përfshihet në operacionet amerikane të lidhura me Iranin.
Në të njëjtën kohë, dy shkatërrues me raketa të drejtuara, USS Donald Cook dhe USS Mason, janë nisur nga SHBA drejt rajonit për t’iu bashkuar këtyre operacioneve. Ndërsa një tjetër anije luftarake, USS Ross, ka lënë gjithashtu territorin amerikan, megjithëse destinacioni i saj nuk është bërë ende publik.
Zyrtarët amerikanë kanë bërë të ditur se këto lëvizje janë pjesë e përgatitjeve për forcimin e kapaciteteve ushtarake në rajon, në një kohë të rritjes së tensioneve me Iranin.
SHBA rrit praninë ushtarake në Lindjen e Mesme, “USS George H.W. Bush” drejt operacioneve pranë Iranit
