Zëvendëskryeministri i Parë dhe Ministri i Punëve të Jashtme dhe Diasporës, Glauk Konjufca, ka pritur në takim zëvendësdrejtorin menaxhues për Ballkanin Perëndimor në kuadër të Shërbimi Evropian për Veprim të Jashtëm (EEAS), Emanuele Giaufret.
Sipas njoftimit të MPJD-së, në qendër të takimit ishte thellimi i bashkëpunimit ndërmjet Kosovës dhe Bashkimi Evropian, në një periudhë kyçe për avancimin e agjendës evropiane të vendit.
Konjufca theksoi përkushtimin e institucioneve të Kosovës për zbatimin e reformave dhe integrimin evropian, duke nënvizuar nevojën për mbështetje të mëtejshme nga BE-ja, përfshirë hapat konkretë drejt fitimit të statusit të vendit kandidat.
Në takim u vlerësua gjithashtu mbështetja e vazhdueshme e Bashkimit Evropian ndër vite, e cila është konsideruar si një faktor i rëndësishëm në zhvillimin institucional dhe ekonomik të Kosovës.
Ky takim vjen në një kohë kur Kosova synon të përshpejtojë procesin e integrimit evropian dhe të forcojë partneritetin strategjik me BE-në.