Kuvendi i Kosovës Kuvendi i Kosovës do të mbajë seancën e radhës të enjten, më 2 prill, ku pritet të shqyrtohen disa marrëveshje ndërkombëtare me vlerë rreth 121 milionë euro.
Shefja e Grupit Parlamentar të LVV-së Lëvizja Vetëvendosje, Arbërie Nagavci Arbërie Nagavci, ka deklaruar se marrëveshjet prekin projekte të rëndësishme, përfshirë edhe atë për rrugën Prishtinë–Mitrovicë.
“Në këtë mbledhje u pajtuam që seanca e radhës të jetë këtë enjte më 2 prill. Në seancë përveç tjerash do të trajtohen disa marrëveshje ndërkombëtare në vlerë prej 121 milionë eurove që kanë të bëjnë më tema dhe projekte të rëndësishme përfshirë këtu, edhe marrëveshjen për rrugën Prishtinë – Mitrovicë”, ka deklaruar ajo.
Ajo ka theksuar se për miratimin e tyre nevojiten të paktën 80 vota dhe bëri thirrje për pjesëmarrjen e të gjithë deputetëve në seancë.
“Një varg marrëveshjesh të rëndësishme dhe presim pjesëmarrjen e të gjithë deputetëve duke pasur parasysh që janë marrëveshje ndërkombëtare dhe nevojiten së paku 80 vota dhe t’u jepet drita e gjelbër këtyre marrëveshjeve”, ka deklaruar ajo në konferencë për media.