Vetëm tre anije kanë kaluar sot nëpër Ngushticën e Hormuzit, sipas kompanisë së inteligjencës detare Kpler, duke treguar një rënie drastike të trafikut në një nga rrugët më të rëndësishme të transportit të naftës në botë.
Para nisjes së luftës mes SHBA-së, Izraelit dhe Iranit, rreth 140 anije tregtare kalonin çdo ditë nëpër këtë ngushticë, sipas Qendrës së Përbashkët të Informacionit Detar.
Të tre anijet që kaluan sot kanë sinjalizuar se kanë pronarë dhe ekuipazh kinez, një praktikë që duket se përdoret për të shmangur rreziqet gjatë kalimit.
Dy prej tyre janë anije kontejnerësh të kompanisë China Shipping Container Lines, ndërsa e treta është një anije transporti e kompanisë Pole Star Shipping Line, raporton BBC.
Autoritetet iraniane kanë kufizuar ndjeshëm qarkullimin në Ngushticën e Hormuzit që nga fillimi i luftës, duke ndikuar në rritjen e çmimeve të naftës dhe shqetësimet për furnizimin global.
Ndërkohë, presidenti amerikan Donald Trump deklaroi se Irani ka lejuar kalimin e disa anijeve, por nuk është e qartë se cilat janë ato, kush i zotëron apo çfarë mallrash transportojnë.