Ish-presidentja e Kosovës, Vjosa Osmani përmes një postimi në profilin e saj në rrjetin social Facebook, ka treguar se ka vazhduar traditën e vizitave te familjet shqiptare që festojnë Pashkët.
Ajo, ka treguar se dje ishin në familjen Zeneli-Prenaj, për të ndarë bashkë gëzimin e festës dhe për t’ua uruar këtë ditë që për mesazh ka bashkimin rreth vlerave më të larta që kanë dalluar popullin tonë.
‘Në shtëpinë e Arbërie Prenajt – mjeke me përkushtim të rrallë, dhe Lulzim Zenelit – dikur deputet e nënshkrues i Deklaratës së Pavarësisë, sot profesor dhe zë i mendimit kritik, gjetëm më shumë se mikpritje. Gjetëm një model të gjallë të familjes shqiptare të ndershme, punëtore, të përkushtuar ndaj dijes, dhe thellësisht të lidhur me vlerat që e kanë mbajtur gjallë këtë vend në kohët më të vështira”, ka shkruar Osmani.
Postimi i saj i plotë:
Sikurse çdo vit, vazhduam traditën e vizitave te familjet shqiptare që festojnë Pashkët. Dje ishim në familjen Zeneli-Prenaj, për të ndarë bashkë gëzimin e festës dhe për t’ua uruar këtë ditë që për mesazh ka bashkimin rreth vlerave më të larta që kanë dalluar popullin tonë.
Në shtëpinë e Arbërie Prenajt – mjeke me përkushtim të rrallë, dhe Lulzim Zenelit – dikur deputet e nënshkrues i Deklaratës së Pavarësisë, sot profesor dhe zë i mendimit kritik, gjetëm më shumë se mikpritje. Gjetëm një model të gjallë të familjes shqiptare të ndershme, punëtore, të përkushtuar ndaj dijes, dhe thellësisht të lidhur me vlerat që e kanë mbajtur gjallë këtë vend në kohët më të vështira.
Qoftë kjo festë gjithmonë një simbol i paqes, ringritjes, bashkimit, dashurisë dhe shpresës për çdo familje.