Kryeministri Albin Kurti dhe kryetari i LDK-së, Lumir Abdixhiku, kanë mbërritur në Kuvendin e Kosovës, ku pritet të nisin diskutimet për zgjedhjen e presidentit të ri të vendit.
Kurti është parë duke hyrë në Kuvend përmes hyrjes së parkingut të institucionit.
Takimi vjen në një periudhë kur kanë mbetur edhe rreth tri javë nga afati kushtetues për zgjedhjen e presidentit të ri të vendit, ndërsa partitë politike ende nuk kanë arritur një marrëveshje për emrin e ri të kreut të shtetit.
Abdixhiku është pyetur se a pret të arrihet ndonjë konsensus, por ka shtuar se vetëm pas takimit do të deklarohet.
“Të shohim tash, po shkojmë në takim. Pas takimit deklarohemi”, ka thënë shkurt Abdixhiku.
Të shtunën ish-presidentja e vendit, Vjosa Osmani ia dorëzoi detyrën, Albulena Haxhiut.
Sipas aktgjykimit të Gjykatës Kushtetuese, deputetët e Kuvendit të Kosovës kanë afat që deri më 28 prill të zgjedhin presidentin e ri të vendit.
Edhe 22 ditë afat për zgjedhjen e presidentit – Kurti pritet të takohet me Abdixhikun