Ishulli Kharg, i cili shërben si terminal për një pjesë të madhe të eksporteve të naftës së Iranit në Gjirin Persik, është goditur disa herë nga sulme.
BBC, ka raportuar se autoritetet po punojnë për të konfirmuar detaje të mëtejshme rreth ngjarjes dhe pritet të jepen informacione shtesë në vijim.
Presidenti amerikan, Donald Trump ka kërcënuar të bombardojë të gjitha termocentralet dhe urat e Iranit nëse vendi nuk e rihap Ngushticën e Hormuzit deri në orën 8 të mbrëmjes.
Edhe para afatit të caktuar nga Trump, u raportua një valë intensive sulmesh në urat përgjatë Iranit dhe në Ishullin Kharg, qendra kryesore e eksportit të naftës në vend.
Ushtria amerikane goditi dhjetëra objektiva ushtarake në ishull gjatë natës, tha një zyrtar amerikan për NBC News.
I gjithë Irani mund të “shkatërrohet brenda një nate”, paralajmëroi Trump duke hedhur poshtë shqetësimet për krime të mundshme lufte.