Universiteti i Prishtinës, “Hasan Prishtina”, ka njoftuar se është hapur afati për pranimin e studentëve të rinj, për vitin akademik 2022/2023.
Në njoftimin e UP-së, thuhet se në afatin e parë të konkursit pritet të pranohen rreth 5 mijë e 497 studentë.
“Për të gjithë të interesuarit, UP-ja numëron dhjetëra programe studimore në 14 fakultete, për t’u bërë pjesë e të cilave mund të aplikoni deri më datë 19 korrik 2019”, thuhet në njoftimin e UP-së.
Në shumicën e Fakulteteve, kandidatët potencialë duhet t’u nënshtrohen testeve me shkrim, dhe në rast se marrin pikët e nevojshme do të pranohen si studentë të rinj në ato Fakultete.
Ndërkaq, sipas Agjencisë së Statistikave të Kosovës (ASK), numri i përgjithshëm i studentëve në universitetet publike për vitin 2020/2021, ishte 54 mijë e 753, apo në përqindje, 57.4% nga numri total i studentëve në universitete publike dhe kolegje private.