Sekretari i Përgjithshëm i NATO-s, Mark Rutte, ka marrë pjesë në takimin e Grupit të Kontaktit për Mbrojtjen e Ukrainës (UDCG) në Berlin, i cili u bashkëkryesua nga ministri gjerman i Mbrojtjes Boris Pistorius dhe sekretari britanik i Mbrojtjes John Healey.
Në një reagim në rrjetin social X, Rutte tha se takimi ishte “i mirë” dhe theksoi se ndihma ushtarake nga aleatët e NATO-s po vazhdon të rrjedhë drejt Ukrainës, përfshirë edhe përmes mekanizmit PURL, ndërsa shumë shtete kanë shtuar kontributet e tyre të reja.
“Është shumë e rëndësishme, sepse siguria e Ukrainës është siguria jonë”, ka shkruar ai.
Rutte, ka deklaruar se Rusia po përballet me vështirësi në fushëbetejë dhe se fitorja për presidentin rus Vladimir Putin është bërë gjithnjë e më e largët.
Ai ka theksuar se ka pasur edhe raportime se Kremlini e kupton gjendjen e vështirë të ekonomisë së tij, duke shtuar se kjo situatë tashmë ishte e njohur më herët.
Rutte ka vlerësuar se forcat e armatosura të Ukrainës po i shkaktojnë humbje të mëdha ushtrisë ruse çdo ditë, duke i cilësuar këto shifra si “tronditëse”.
“Një Ukrainë e fortë sot dhe në të ardhmen është mënyra se si ndalet agresioni rus”, ka thënë ai.
Sipas tij, aleatët duhet të vazhdojnë të rrisin mbështetjen ushtarake për Kievin, pasi “siguria e Ukrainës është edhe siguria jonë”.
Good session of the Ukraine Defence Contact Group in Berlin today. Vital military equipment from NATO Allies continues to flow into Ukraine, including through PURL and many countries stepped up with new contributions
This is key, because Ukraine’s security is our security pic.twitter.com/syJaCWRMGx
— Mark Rutte (@SecGenNATO) April 15, 2026