Kryesia e Aleanca për Ardhmërinë e Kosovës (AAK) ka vlerësuar se procesi i brendshëm zgjedhor i partisë po zhvillohet sipas planifikimit dhe me përfshirje të gjerë të strukturave organizative.
Në mbledhjen e fundit, u theksua se procesi zgjedhor në nivel degësh pritet të përfundojë më 10 maj, ndërsa më 24 maj do të mbahet Kuvendi i Përgjithshëm Zgjedhor, ku do të zgjidhen kryetari dhe strukturat e reja drejtuese të Aleancës.
Përveç çështjeve organizative, Kryesia diskutoi edhe për zhvillimet aktuale politike në vend.
Sipas tyre, mungesa e rezultateve në qeverisje dhe mungesa e një agjende të qartë zhvillimore dhe bashkëpunuese po e shtyjnë vendin drejt një situate që mund të çojë në zgjedhje të jashtëzakonshme.