Një incident që përfshin sulm ndaj një zyrtari policor është raportuar në fshatin Vranidoll të Prishtinës, në orët e hershme të mëngjesit më 24 prill.
Sipas raportit 24 orësh të policisë, rreth orës 07:20, një person i dyshuar mashkull kosovar është arrestuar pasi nuk iu është bindur urdhrave të zyrtarëve policorë.
Gjatë tentativës për t’u larguar, i dyshuari dyshohet se me veturë ka goditur në këmbë një zyrtar policor.
Fatmirësisht, nga ky incident nuk janë raportuar lëndime trupore. Pas arrestimit, i dyshuari është intervistuar nga organet kompetente dhe me vendim të prokurorit është liruar në procedurë të rregullt.