Mbrëmë nga karrigia e Kryetares së Kuvendit e shpërndau legjislaturën e 10-të, e sot për t’u koordinuar për zgjedhjet, Albulena Haxhiu në Presidencë prite Kryetarin e KQZ-së.
Diskutimi me Kreshnik Radoniqin u mbajt pa praninë e mediave e pas takimit shkurt foli Radoniqi, që përpos datës që kërkoi tha se nuk diskutoi çështje tjera, përfshirë buxhetin që u nevojitet për organizimin e zgjedhjeve.
“Çështja e buxhetit ende nuk është diskutu në KQZ, po besoj do të jetë si në zgjedhjet e kaluara…”, ka deklaruar Kreshnik Radoniqi, kryetar i KQZ-së.
Se procesi është i vështirë e pranoi edhe Radoniqi, megjithëse është optimist se do të ec mirë.
Pritshmëri të mira kanë edhe organizatat që zakonisht e monitorojnë procesin e zgjedhjeve.
Vullnet Bugaqku nga Instituti Demokratik i Kosovës, thotë se praktika e herës kaluar ka treguar se zgjedhjet mund të realizohen edhe me afate më të shkurtra.
“Koha ndonëse ka qenë e njëjtë, afati I njëjtë, nuk është që ka pasur shumë problem të organizimit, Pres që procesi do të organizohet mirë, sepse periudha prej 1 uaji I shkurton afatet procedural. KQZ ka tregu që ka kapacitet të organizohet si duhet”, ak deklaruar ai.
Sipas Bugaqkut, këtë herë vëmendja e Komisionit Qendror të Zgjedhjeve duhet të jetë tek Qendrat komunale të numërimit të votave, pas përvojës së kaluar me manipulimet e komisionerëve.
“I kemi pa edhe vitin e kaluar, problemet që kanë shkaktu viotat e falsifikuara nga ana e komisionerëve, duhet të jetë vigjilente, të ketë kujdes në fazën e emërimit, t’I shqyrtojë mirë propozimet e partive politike”, ka theksuar Bugaqku.
Nga Komisioni Qendror Zgjedhor kanë deklaruar se organizimi i zgjedhjeve do të bëhet me afate të shkurtuara kohore dhe nga vendimet e para të KQZ-së do të jetë ndryshimi i afateve për aktivitetet zgjedhore, apo përshtatja e tyre në pajtim me rrethanat.