Lidhja Demokratike e Kosovës ka bërë publike listën garuese për zgjedhjet e 7 qershorit.
Listës i prin ish-presidentja, Vjosa Osmani teksa pas saj radhitet kreu i partisë, Lumir Abdixhiku, njofton Dukagjini.
“Kjo është lista fituese e Lidhjes Demokratike të Kosovës. 110 kandidatë. 110 përfaqësues të një ideje për Republikën; të një Republike me dinjitet, me institucione të forta, me zhvillim, me aleanca të palëkundura perëndimore dhe me njerëz në qendër të saj. Një ekip që bashkon përvojën dhe energjinë e re. Integritetin, profesionalizmin dhe përkushtimin ndaj Republikës. Me njerëz që vijnë nga çdo anë e Kosovës, nga diaspora, nga jeta akademike, profesionale e qytetare; me gra e burra që besojnë se ky vend meriton më shumë qetësi, më shumë siguri dhe më shumë shpresë. Ky është ekipi ynë.
7 qershori është dita e ringritjes se madhe!”, thuhet në njoftimin e LDK-së.
Kujtojmë se Avdullah Hoti e Hykmete Bajrami që rëndom kanë qenë në top 10-she kësaj radhe janë renditur i 11-ti dhe e 12-ta.