Serbia nuk ka respektuar masat e reja kufizuese të unionit kundër Iranit, duke u bërë i vetmi vend kandidat i BE-së në Ballkanin Perëndimor që nuk i është bashkëngjitur masave të reja.
Përfaqësuesi i Lartë i BE-së për Politikë të Jashtme dhe Siguri, Joseph Borrell, ka njoftuar se vendimit të miratuar nga Këshilli Evropian i janë bashkuar vendet kandidate.
Maqedonia e Veriut, Mali i Zi, Shqipëria, Ukraina dhe Moldavia, vendet e EFTA-s Islanda, Lihtenshtajni dhe Norvegjia dhe anëtarë të Zonës Ekonomike Evropiane i kanë vendosur sanksione shtetit aziatik, raporton b92.
Serbia është një ndër vendet e vetme evropiane, e cila nuk i ka vendosur sanksione edhe Rusisë, e cila që nga 24 shkurti ka filluar sulmet ndaj Ukrainës.
Ndër të tjera, bëhet e ditur se Irani dhe shtetet perëndimore po mundohen të arrijnë një marrëveshje të re rreth rritjes së kapaciteteve bërthamore të shtetit islamik.