Një burrë është arrestuar pasi tre persona u plagosën në një sulm me thikë në një stacion treni në Zvicër, tha policia.
Autoritetet bën të ditur se tre viktimat – shtetas zviceranë të moshave 28, 43 dhe 52 vjeç – u dërguan në spital pas sulmit në stacionin e trenit në Winterthur, shkruan BBC, transmeton Dukagjini.
I dyshuari, një zviceran 31-vjeçar, përdori një thikë teksa motivi i sulmit është ende nën hetim, shtoi policia.
Një dëshmitar okular që punonte në një ndërtesë zyrash aty pranë i tha një gazete lokale se dëgjoi një burrë duke bërtitur “Allahu Akbar” – që do të thotë “Zoti është më i madhi” në arabisht – rreth orës 08:30 sipas kohës lokale, para se të sulmonte njerëzit me thikë.
Sipas mediave lokale, në atë kohë po kalonte një grup nxënësish dhe një mësues u pa duke qëndruar para tyre për t’i mbrojtur.
Një tjetër dëshmitar, i tha gazetës me bazë në Cyrih, Neue Zürcher Zeitung, se një burrë kishte qenë duke ecur në nënkalimin e stacionit dhe duke sulmuar njerëz.