Kandidati i Lidhjes Demokratike të Kosovës (LDK) për deputet, Bardhyl Hasanpapaj, ka vlerësuar tubimin përmbyllës të fushatës në Prishtinë si një manifestim madhështor politik, duke shprehur krenarinë e tij për pjesëmarrjen në këtë garë zgjedhore.
Përmes një postimi në Facebook, Hasanpapaj tha se tubimi në kryeqytet dëshmoi fuqinë dhe mbështetjen që gëzon LDK-ja në prag të zgjedhjeve të 7 qershorit.
“Çfarë Prishtine e çfarë Kosove! Çfarë LDK-je e madhe në këtë manifestim madhështor politik! Krenar që jam pjesë e kësaj liste dhe e këtij rrugëtimi të jashtëzakonshëm. Nuk mund të kishte mbyllje më të bukur për këtë fushatë”, ka shkruar ai.
Hasanpapaj ka shprehur bindjen se 7 qershori do të jetë ditë feste për LDK-në, duke bërë thirrje për mbështetje të subjektit të tij politik dhe kandidatëve që ai përfaqëson.