Analisti Imer Mushkolaj ka komentuar rezultatet e exit poll-eve të publikuara pas përfundimit të votimit në zgjedhjet parlamentare të 7 qershorit, duke vlerësuar se ato dërgojnë një mesazh të qartë për Lëvizjen Vetëvendosje.
Në emisionin Debat Plus, Mushkolaj tha se rënia e përqindjes së mbështetjes për partinë në pushtet, krahasuar me rezultatin e zgjedhjeve të kaluara, tregon se qytetarët kanë ndëshkuar qasjen që ai e cilësoi si arrogante.
“Kjo është një shenjë e qartë që arroganca ndëshkohet. Me i fitu 51 për qind edhe mos me qenë i kënaqur dhe me synu 60, 65 për qind është për mua e pakuptueshme kur ti i ki mundësit me i kriju mundësit dhe me shku tutje. Kjo është një tregues në radh të parë për LVV-në që kështu do të pësosh, edhe nuk do të jesh në gjendje të krijosh lojën tënde, që sa herë të teket, me shku se sa herë shkojmë na fitojmë 50, 60 e kështu me radhë. Pak a shume ky është mesazhi”, ka thënë Mushkolaj.
Sipas exit poll-it të publikuar nga Klan Kosova dhe realizuar nga PIPOS, Vetëvendosje ka marrë 42.3 për qind të votave, ndërsa exit poll-i i Albanian Post e projekton atë me 43 për qind. Në të dy matjet, PDK-ja renditet e dyta, LDK-ja e treta, ndërsa AAK-ja arrin të kalojë pragun zgjedhor.