Komisioni Qendror i Zgjedhjeve (KQZ), ka bërë të ditur se është përmbyllur procesi i numërimit të votave të kandidatëve për deputetë në pesë Qendra Komunale të Numërimit (QKN), përkatësisht në Junik, Shtërpcë, Hani i Elezit, Partesh dhe Mamushë.
Ndërsa, procesi i numërimit dhe verifikimit po vazhdon në 32 QKN të tjera në nivel vendi, përfshirë komunat kryesore si Prishtina, Prizreni, Peja, Gjilani, Ferizaj dhe të tjera.
Në QKN-në e Vushtrrisë, numërimi i 10 vendvotimeve nuk ka mundur të finalizohet për shkak të problemeve teknike me rrjetin e internetit.
KQZ ka bërë të ditur se kutitë e votimit janë siguruar sipas procedurave dhe procesi do të vazhdojë gjatë ditës.
Mbi 19% e votave të numëruara: Kjo është pesëshja më e votuar brenda partive