Një aksident i rëndë ka ndodhur këtë të martë, në autostradën Tiranë-Durrës.
A2 CNN shkruan se si pasojë e këtij aksidenti kanë humbur jetën dy persona, ndërsa 12 të tjerë kanë mbetur të lënduar.
Të lënduarit janë transportuar drejt spitalit për të marrë ndihmën mjekësore, ndërsa në vendngjarje ndodhen forcat e policisë dhe ekipet e emergjencës.
Sipas informacioneve paraprake, në aksident është përfshirë një furgon i linjës Berat–Tiranë, i cili ishte nisur nga Berati me destinacion kryeqytetin.
Autoritetet kanë nisur hetimet për të zbardhur rrethanat dhe shkaqet e aksidentit, ndërsa pritet që detaje të tjera të bëhen të ditura në vijim.