Eliza Hoxha, deputete e zgjedhur nga PDK-ja, ka deklaruar se nëse ka vullnet politik nga ana e kryeministrit në detyrë, Albin Kurti, mund të gjendet zgjidhje edhe për çështjen e institucioneve.
Në Debat Plus, Hoxha tha se duhet të ketë një debat të hapur për mënyrën e krijimit të institucioneve, duke përmendur edhe rastin e zgjedhjes së Vjosa Osmani në krye të shtetit.
Sipas saj, Kurti në të kaluarën ka pasur vullnet politik për ta mbështetur Osmanin për presidente, në një kohë kur ai nuk mund të kandidonte vetë, dhe se sot mund të veprojë njësoj nëse dëshiron krijimin e institucioneve.
“Unë mendoj që duhet të ketë një debat të shtruar nëse vërtetë dëshirojmë të kemi institucione. Ai i ka bërë institucionet e pat interesin me marrë Vjosa Osmanin kur nuk kishte mundësi me kandidu vetë, e vuri në krye të listës, bashkë rrugëtuan, tha kjo është presidentja, unë jam kryeministri dhe kur dëshiroi e bëri presidentin. Edhe sot nëse ka dëshirë dhe vullnet politik unë mendoj që gjendet zgjidhja”, ka deklaruar ajo.