Një person ka humbur jetën sot në Prishtinë, pasi dyshohet se ka rënë nga një lartësi në rrugën “Arshi Pipa”.
Lajmin e ka konfirmuar zëdhënësi i Policisë së Kosovës për rajonin e Prishtinës, Enis Pllana.
“Mbrëmë, rreth orës 23:00, Policia ka pranuar informatën se në rrugën ‘Arshi Pipa’ në Prishtinë, një person ka rënë nga një lartësi (objekt). Si pasojë e lëndimeve të marra, viktima nuk ka arritur t’u mbijetojë plagëve”, ka deklaruar Pllana.
Sipas Policisë, vdekja e personit është konstatuar nga ekipi mjekësor në vendin e ngjarjes.
Rasti është duke u hetuar nga njësitë kompetente policore, në koordinim me Prokurorin e Shtetit, me qëllim të sqarimit të plotë të rrethanave që çuan deri te ngjarja