Ministri i Brendshëm i Iranit, Eskandar Momeni, ka nisur takimet me ndërmjetësues në Pakistan, ndërsa vazhdojnë përpjekjet diplomatike për të shpëtuar marrëveshjen e përkohshme mes SHBA-së dhe Iranit.
Sipas Associated Press, duke cituar dy zyrtarë që folën në kushte anonimiteti për shkak të negociatave të mbyllura, Momeni është takuar me shefin e ushtrisë së Pakistanit, Asim Munir, ndërsa pritet të takohet më vonë gjatë ditës edhe me kryeministrin pakistanez, Shehbaz Sharif.
Autoritetet nuk kanë publikuar menjëherë detaje për takimet.
Bisedimet zhvillohen në një kohë kur Irani vazhdon sulmet ndaj vendeve arabe të Gjirit, aleate të SHBA-së.
Pakistani luajti rol të rëndësishëm në ndërmjetësimin e marrëveshjes së përkohshme të arritur muajin e kaluar dhe ka punuar për t’i rikthyer të dyja palët në tryezën e negociatave.