Të paktën 27 zjarrfikës janë lënduar gjatë operacioneve për shuarjen e zjarreve masive në Francë, njoftuan autoritetet franceze.
Drejtori i Shërbimit të Zjarrfikjes dhe Shpëtimit në rajonin Gironde, Marc Vermeulen, tha se gjashtë prej tyre janë shtruar në spital, shkruan CNN, transmeton Dukagjini.
Sipas tij, pesë zjarrfikës kanë pësuar helmim nga monoksidi i karbonit, ndërsa një tjetër ka thyer kyçin e këmbës pas shpërthimit të një bombole gazi.
Megjithëse deri më tani nuk është raportuar asnjë viktimë nga zjarret në Francë apo Spanjë, numri i të lënduarve nxjerr në pah rrezikun e madh me të cilin po përballen ekipet e emergjencës gjatë luftës me flakët.