Presidentja e Komisionit Evropian, Ursula von der Leyen, i ka cilësuar si “tronditëse” pamjet nga varrimi në Beograd të Ratko Mlladiqit, ish-komandantit serb të dënuar për krime lufte.
Von der Leyen ka theksuar se Mlladiqi ishte përgjegjës për gjenocid, krime lufte dhe krime kundër njerëzimit. Ajo ka rikujtuar se ai vdiq derisa po vuante dënimin me burgim të përjetshëm për gjenocidin në Srebrenicë dhe krime të tjera.
Presidentja e Komisionit Evropian ka kritikuar gjithashtu pjesëmarrjen e zyrtarëve të lartë serbë dhe shfaqjet e mbështetjes zyrtare gjatë ceremonisë së varrimit, duke i cilësuar ato si “thellësisht për të ardhur keq”.
Sipas saj, këto pamje tregojnë se Serbia ende nuk është përballur siç duhet me një nga kapitujt më të errët të historisë së Evropës. Von der Leyen ka thënë se një qasje e tillë bie ndesh me vlerat evropiane dhe me rrugëtimin e Serbisë drejt Bashkimit Evropian.
Ajo ka shprehur solidaritet me të gjitha viktimat, të mbijetuarit dhe familjet e tyre që pësuan gjatë luftërave të viteve ’90 në vendet e ish-Jugosllavisë.
The images from Ratko Mladić’s funeral yesterday in Belgrade were shocking.
Ratko Mladić was a convicted war criminal. He was responsible for genocide, war crimes, and crimes against humanity. He died while serving a life sentence for the Srebrenica genocide and other crimes.…
— Ursula von der Leyen (@vonderleyen) September 8, 2026