Policia e Kosovës ka dhënë detaje të reja për vrasjen që ndodhi mbrëmjen e së dielës në fshatin Pogragjë të Gjilanit, ku mbeti i vrarë një person.
Sipas raportit 24-orësh të Policisë, rasti është raportuar më 11 tetor, në orën 19:32. I dyshuari, dyshohet se ka qëlluar me armë zjarri viktimën, 29-vjeçar.
Në vendin e ngjarjes, policia ka sekuestruar tri armë një pushkë gjuetie, një pushkë zjarri të tipit M48 dhe një pistoletë pa karikator. Po ashtu, janë sekuestruar 68 fishekë dhe katër gëzhoja.
I dyshuari ende gjendet në kërkim policor.
Me vendim të prokurorit, trupi i pajetë i viktimës është dërguar në Institutin e Mjekësisë Ligjore (IML) për obduksion.