Ish-kreu i Aleancës, Ramush Haradinaj, ka përkujtuar gjeneralmajorin Adrian Krasniqi, duke e cilësuar si mik dhe bashkëluftëtar në rrugën drejt lirisë.
Në një postim në Facebook, Haradinaj ka vlerësuar guximin dhe përkushtimin e Krasniqit, duke thënë se ai ishte shembull për brezat e rinj dhe simbol i dashurisë për atdheun.
“Gjeneralmajor Adrian Krasniqin e kisha mik dhe bashkëluftëtar në rrugën e lirisë. Zemërbardhë e guximtar i pashoq, ai mishëronte frymën e lirisë për të cilën luftuam dhe për të cilën ai dha jetën.
Shembull e udhërrëfyes për brezat, për ta kuptuar se sa kushton liria dhe sa e madhe është dashuria për atdheun.
Lavdi Adrianit dhe gjithë të rënëve për liri!”, ka shkruar Haradinaj.