Presidenti i majtë i Brazilit, Luiz Inácio Lula da Silva, ka fituar mandatin e katërt në krye të shtetit, duke mposhtur në balotazh rivalin e tij të djathtë, Flavio Bolsonaro.
80-vjeçari Lula ka marrë pak më pak se 52 për qind të votave në raundin e dytë të zgjedhjeve. Pas shpalljes së rezultatit, ai ka falënderuar mbështetësit e tij në São Paulo, duke thënë se ata “e mbrojtën demokracinë braziliane”.
Ndërkaq, Flávio Bolsonaro, i cili kishte fituar raundin e parë të zgjedhjeve, e ka cilësuar rezultatin si “të pashpjegueshëm” dhe ka bërë thirrje që ai të anulohet.
Babai i tij, ish-presidenti Jair Bolsonaro, aktualisht po vuan një dënim me burg në kushte të arrestit shtëpiak, pasi u dënua për komplot për grusht shteti pas humbjes në zgjedhjet e kaluara.
Zgjedhjet në Brazil u zhvilluan në një klimë të thellë përçarjeje politike. Fitorja e Lulës bie ndesh me prirjen e shfaqur në disa vende të rajonit të Amerikës Latine për rritjen e mbështetjes ndaj liderëve të djathtë.