Raporti i Qendrës Kombëtare për Menaxhim Kufitar, ka njoftuar për kolonat dhe pritjet e gjata në vendkalimet kufitare të Kosovës me Serbinë.
Si në çdo vit tjetër, edhe këtë vit, bashkatdhetarët të cilët jetojnë në vende të ndryshme të Evropës kanë marrë rrugën drejt Kosovës për t’i kaluar pushimet.
Ata po detyrohen të presin edhe kësaj here në pikat kufitare me Serbinë.
Pritjet më të gjata janë regjistruar në pikën kufitare në Merdarë, ku në hyrje të kësaj pike, bashkatdhetarët po presin deri në 40 minuta.
Kolona e automjeteve raportohet të jetë deri në 300 metra në hyrje, kurse në dalje 150.
Edhe në hyrje të pikës tjetër kufitare, te Dheu i Bardhë, është raportuar për kolona të gjata.
Pritjet në këtë pikë janë më të vogla, deri në 20 minuta.
Ndërkaq, në vendkalimet e tjera kufitare të Kosovës me shtetet fqinje, nuk ka pritje të gjata.
Gjendja në kohë reale në pikat kufitare mund të përcillet në faqen e Ministrisë së Punëve të Jashtme.
