Të premten e 22 korrikut, Prokuroria Themelore në Gjilan ka njoftuar për aktakuzën që ka hedhur ndaj tre zyrtarëve të Komunës së Novobërdës, S.V, A.A dhe N.D.
Aktakuza ndaj zyrtarëze është hedhur për shkak të dyshimit se kanë kryer veprën penale “Keqpërdorimi i pozitës apo i autoritetit zyrtar”.
Në njoftimin e Prokurorisë Themelore në Gjilan thuhet se i pandehuri S.V, ka keqpërdorur pozitën zyrtare për mos ardhjen në punë dhe njëkohësisht ka pranuar pagë mujore nga buxheti i komunës.
I pandehuri S.V këtë e ka bërë duke filluar nga muaji prill 2019 deri në dhjetor të vitit 2020,
“Ndërsa, të pandehurit A.A dhe N.D, në cilësinë e drejtorëve për Zhvillim Ekonomik në Komunën e Novobërdës, kanë keqpërdorur pozitën zyrtare, për t’i shkaktuar përfitim pasuror të kundërligjshëm zyrtarit komunal – të pandehurit SV, dhe përkundër që i njëjti nuk është lajmëruar ne punë, nuk e kanë larguar nga lista e pagave”, thuhet në komunikatën për media.
Të pandehurit A.A dhe N.D kanë kryer veprën penale “Keqpërdorimi i pozitës apo i autoritetit zyrtar”