Tre persona janë lënduar në një aksident komunikacioni në Jarinjë, raporton RTV Dukagjini.
Drejtoresha e spitalit të Mitrovicës, Luljeta Zhubi ka thënë se të aksidentuarit janë në gjendje stabile dhe si rrjedhojë, janë liruar për në shtëpi.
“Në spitalin tonë kanë kërkuar ndihmë 3 persona të lënduar afër Jarinjës. Lëndimet kanë qenë të lehta dhe janë trajtuar dhe liruar në shtëpi ngase gjendja ka qenë stabile”, ka thënë drejtoresha Zhubi për RTV Dukagjini duke theksuar se aksidenti në fjalë ishte aksident në komunikacion.
Ndër të tjera, lidhur me raportimet për policë të lënduar, Zhubi ka thënë se askush tjetër përpos tre personave të aksidentuar nuk ka kërkuar ndihmë.
“Aty nuk dimë, këtu nuk ka kërkuar askush tjetër ndihmë”, ka thënë ajo për RTV Dukagjini.