Të enjten e katër gushtit, Raporti i Qendrës Kombëtare për Menaxhim Kufitar, ka njoftuar për kolonat dhe pritjet e gjata në pikat kufitare, të cilat bëjnë lidhjen mes Kosovës dhe Serbisë.
Pritjet më të gjata janë regjistruar në pikat kufitare në Dheun e Bardhë dhe Merdarë.
Në hyrje të pikës kufitare te Dheu i Bardhë, pritjet janë nga 5-10 minuta, ndërkaq kolona e automjeteve është deri në 20-30 metra.
Kurse në dalje të kësaj pike kufitare, pritjet janë të gjata. Ato raportohen të jenë 90 deri në 100 minuta, kurse kolona e automjeteve është deri në një mijë metra.
Ndërkaq, në hyrje të pikës kufitare në Merdarë, pritjet janë nga 5-10 minuta, kurse në dalje nga 80 deri 90 minuta.
Kolona e automjeteve në dalje të kësaj pike kufitare është deri në një mijë metra.
Sa i përket pikave kufitare Jarinjë dhe Bërnjak, pritjet nuk janë të gjata.
Në Jarinjë, në hyrje pritjet janë nga 5-10 minuta, kurse në dalje 10-20 minuta.
Po ashtu, nuk raportohet të ketë kolonë të gjatë të automjeteve.
