Posta elektronike e Kancelarit të Gjermnisë, Olaf Scholz është duke u kontrolluar nga Autoritetet e Gjermanisë. Kjo është bërë e ditur nga gazeta e Hamburgut, “Abendblatt” jo për kohën kur Olaf është kancelar, por nga koha kur ai ishte në krye të Hamburgut.
E kjo është për shkak të skandalit financiar Cum-ex dhe është bërë e ditur nga dokumentet që ka në zotërim komisioni hetimor i Hamburgut në lidhje me këtë çështje.
Që nga 30 marsi, Gjykata e Qarkut në Köln kishte lëshuar një urdhër hetimor për postën elektronike me adresë: [email protected], adresa zyrtare e Olaf Scholzit në kohën kur ishte kryebashkiak i Hamburgut, sipas njoftimit.
Se çfarë ka autorizuar Gjykata të kontrollohet nëpërmjet vendimit janë, “e-maile, shënime kalendarike, dhe bashkëngjitje të postës elektronike nga 1 janari 2015. Scholz ka qenë deri në vitin 2018 Kryebashkiak i Hamburgut” thuhet në AFP.
Ky hetim po bëhet, sepse po kërkohet “të zbardhet, nëse dhe si ka ndikuar politika në vendimin e marrë në nëntor 2016, për të hequr dorë nga një kërkesë financiare tatimore në vlerë prej 47 milionë eurosh kundër bankës Warburg, në kontekstin e Cum-ex”. Pjesë e hetimeve është edhe një takim i i Scholzit me kreun e atëhershëm të bankës Warburg, Christian Olearius.
Zëdhënësi i qeverisë gjermane ka thënë se “nuk kam dijeni”.
Kontrolli i e-maileve të Scholzit bëhet në kuadër të hetimeve kundër deputetit të SPD-së, Johannes Kahrs dhe të tjerëve që dyshohen për favorizim dhe mbështetje të evazionit fiskal.
Te deputeti i Bundestagut Kahrs, i cili është angazhuar për bankën Warburg, sipas raportimeve në media, në kuadër të kontrolleve janë gjetur 200.000 euro në një sirtar privat banke.
Zëdhënësi i qeverisë gjermane, Steffen Hebestreit është shprehur për gazetën “Abendblatt”, në lidhje me kontrollin e e-maileve të kancelarit Scholz, se “nuk ka dijeni për këtë. Dhe nuk ka asgjë për të fshehur”, raporton DW.
Çfarë është skandali financiar Cum-ex?
Me Cum-ex lidhet zhvendosja e aksioneve brenda një dite e dividendeve, për të mundësuar rimbursimin e tatimit mbi kapitalin, një shumë që nuk i ishte paguar shtetit. Kështu shteti gjerman, përmes këtyre rimbursimeve financiare ka humbur miliarda euro. Skandali u zbulua në vitin 2017. Para një viti, Gjykata Federale e Lartë vendosi t’i quajë evazion fiskal të dënueshëm operacionet financiare në lidhje me Cum-ex. Ndërkohë janë ngritur një sërë padish në Gjermani kundër punonjësve të caktuar në banka.