Qeveria amerikane do të blejë formulimin intravenoz të ilaçit antiviral Tpoxx të Siga Technologies Inc (SIGA.O) me vlerë 26 milionë dollarë, ka njoftuar kompania të martën.
Kompania planifikon të dorëzojë deri në vitin e ardhshëm porosinë për trajtimin ‘IV’, i cili do të ishte një opsion jetik për pacientët që nuk janë në gjendje të gëlltisin pilulën pasi simptomat e lisë së majmunit përfshijnë skuqje dhe flluska në gojë, njofton Reuters.
Formulimet orale dhe intravenoze të Tpoxx janë miratuar nga Administrata Amerikane e Ushqimit dhe Barnave për trajtimin e lisë, por nuk ka ende leje për trajtimin e lisë së majmunëve.
Megjithatë, Qendrat për Kontrollin dhe Parandalimin e Sëmundjeve ka dhënë një udhëzim për përdorimin e tij nën ‘qasjen e zgjeruar’ si një medikament hetimor.
Më shumë se 27,800 raste të lisë së majmunëve janë raportuar në mbi 80 vende ku sëmundja nuk është endemike. Ndërsa, në Shtetet e Bashkuara janë raportuar më shumë se 7,500 raste.
Kompania Siga gjithashtu ka marrë porosi nga Canada, dhe nga disa vende Evropiane dhe Azia e Paqësorit.