Drejtoresha e lëvizjes “Fol”, Mexhide Demolli në një intervistë për emisionin “Five” në RTV Dukagjini ka thënë se plani i i Qeverisë Kurti ishte plan ambicioz.
“Në këtë plan ishin ministrite që kanë paraparë deri në 500 aktivitete, por kane realizuar nje numer të vogël prej tyre”, ka thënë Demolli. Demolli ka cekur Ministrinë e Mjedisit, Planifikimit Hapësinor dhe Infrastrukturës që ka pas 461 aktivitete për ti realizuar por i realizoi vetëm 103 prej tyre.
Për planet e rëndësishme të Qeverisë Kurti, të cilat nuk janë realizuar Demolli ka thënë se nuk është e sigurt se cilat janë ato plane
“Shumë prej ministrive kanë dhënë sqarime shtesë sepse shumë punë janë në proces, por përderisa është një afat kohor se kur duhet të kryhen aktivitetet ne i marrim për bazë vetëm ato që janë kryer”.
“Definitivisht shumë pak prej qeverive kanë arritur të perfundojnë planet e tyre”.
Ndërsa për procesin e Vettingut, Mexhide Demolli ka thënë se shpresojnë që qeveria Kurti do të marrë parasysh rekomandimet e Venecias dhe të jetë në koordimin të plotë me të.
“Shpresojmë shumë që qdo fjalë do të marret me seriozitet të lartë, duhet të jetë një koordinim i plote me opozitën dhe faktorët ndërkombëtarë”.