Zyrtarët policorë janë sulmuar nga një person me nënshtetësi holandeze në Malishevë, bën të ditur Policia e Kosovës.
Në raportin 24-orësh bëhet e ditur se ai kishte një urdhërarrest nga gjykata.
Ai përgjatë arrestimit të tij kishte sulmuar dy zyrtarë policorë, të cilët kanë pranuar tretman mjekësor.
“Rr. Skenderbeu, Malishevë 11.08.2022-16:45. Është arrestuar i dyshuari mashkull me shtetësi holandeze pasi ai kishte urdhërarrest nga gjykata, gjatë arrestimit i dyshuari ka sulmuar fizikisht dy zyrtarë policorë të cilët kanë pësuar lëndime trupore dhe kanë pranuar tretman mjekësor. Me vendim të prokurorit i dyshuari është dërguar në mbajtje”, thuhet në raportin e policisë.
Rasti është cilësuar si sulm ndaj personit zyrtar.