Të hënën e 15 gushtit, Raporti i Qendrës Kombëtare për Menaxhim Kufitar, ka njoftuar për kolonat dhe pritjet e gjata në pikat kufitare, të cilat bëjnë lidhjen mes Kosovës dhe Serbisë.
Pritjet më të gjata janë regjistruar në pikat kufitare në Merdarë dhe te Dheu i Bardhë.
Në hyrje të pikës kufitare në Merdarë, pritjet janë nga 5-10 minuta, ndërkaq kolona e automjeteve në hyrje është deri në 10-20 metra.
Kurse në dalje të kësaj pike kufitare, pritjet janë të gjata. Ato raportohen të jenë 180 deri në 200 minuta apo mbi tri orë, ndërkaq kolona e automjeve deri në 2000 metra.
Ndërkaq në hyrje te Dheu i Bardhë, pritjet në dalje janë 90 minuta, ndërsa kolona e automjeteve është deri në 800 metra.
Po ashtu, edhe në dalje të pikës kufitare në Jarinjë, pritjet janë të gjata.
Ato janë raportuar të jenë mbi një orë, ndërsa kolona e automjeteve është 200 metra.
