Kryeministri i Kosovës, Albin Kurti, dy ditë para takimit në Bruksel me presidentin e Serbisë, Aleksandër Vuçiq, ka njoftuar se ka realizuar një bisedë telefonike me të dërguarin e posaçëm për Ballkanin Perëndimor, Sir Stuart Peach, për rëndësinë e marrëveshjes me Serbinë me njohje reciproke në qendër.
“Përpara diskutimeve në Bruksel, pata një telefonatë produktive me të dërguarin special për Ballkanin Perëndimor, Sir Stuart Peach, duke theksuar nevojën për një marrëveshje të përqendruar në njohjen e ndërsjellë dhe marrëdhëniet e fqinjësisë së mirë”, ka shkruar Kurti në Twitter.
Ahead of discussions in Brussels, I had a productive phone call with 🇬🇧 Special Envoy to the Western Balkans Sir Stuart Peach, emphasizing the need for an agreement centered on mutual recognition and good neighborly relations.
— Albin Kurti (@albinkurti) August 16, 2022
Ndryshe, më 18 gusht, Kurti dhe Vuçiq, do të takohen në Bruksel, në kuadër të dialogut të ndërmjetësuar nga Bashkimi Evropian.
Zëdhënësi i Qeverisë së Kosovës, Përparim Kryeziu, ka thënë se në këtë takim parashihet të diskutohen dy pika kryesore, të cilat janë elementet e një kornize të përgjithshme të marrëveshjes me Serbinë, me njohje reciproke në qendër dhe zhvillimet aktuale në vend.
Ai në emisionin “Five“, ka thënë se vendimi për targa dhe dokumenti për hyrje-dalje janë në përputhje me ligjin e Kosovës, për të cilat vetë Serbia është dakorduar në të kaluarën.
Zëdhënësi i Qeverisë: Në takimin Kurti-Vuçiq do të diskutohet edhe për zhvillimet aktuale në vend