Zyra e Përfaqësuesve të tregtisë së SHBA-së ka njoftuar se bisedimet zyrtare tregtare mes SHBA-së dhe Tajvanit do të fillojnë në fillim të vjeshtës.
Nga ky diskutim pritet që të arrijnë një marrëveshje mbi lehtësimin e tregtisë, tregtinë digjitale dhe standardet kundër korrupsionit.
Iniciativa për tregti në mes këtyre dy shteteve ishte paralajmëruar edhe në muajin qeshor, ku të dy palët kishin arritur koncensuz mbi mandatin e negociatave.
Zëvendëspërfaqësuesja e Tregtisë e Shteteve të Bashkuara, Sarah Bianchi, në një deklaratë ka thënë se planifikohet të ndiqet një plan ambicioz që do të ndihmojë në ndërtim të një ekonomie më të drejtë të shekullit 21, raporton BBC.
Në vitin 2020, SHBA dhe Tajvani kishin arritur tregti në vlerë prej 106 miliardë dollarësh.
Diplomati i lartë i SHBA-së për Azinë Lindore, Daniel Kritenbrink, ka thënë se do të vazhdojnë të marrin hapa të qetë e të sigurt, për të mbështetur paqe dhe stabilitet.