Kryebashkiaku i Tiranës, Erion Veliaj, ka vizituar kryeqytetin e Ukrainës, ku është takuar me presidentin e këtij vendi, Volodymyr Zelenskyy. Pas këtij takmi nëpërmjet një postimi në Twitter ai ka shkruar se Bashkia e Tiranës do të ndihmojë Ukrainën në rindërtimin e shkollave dhe do të japë ekspertizën e saj për rimëkëmbjen e Ukrainës si pasojë e luftës.
Veliaj ka thënë se Zelensky i ka shprehur mirënjohjen e tij për mbështejten që Shqipëria dhe kryeministri Rama kanë dhënë gjatë gjithë kësaj periudhe.
“Shumë i lumtur që u takova me Presidentin Zelenskyy në Kiev, i cili shprehu mirënjohjen e tij për mbështetjen e Shqipërisë dhe kryeministrit Rama në Këshillin e Sigurimit, strehimin e refugjatëve dhe çdo ndihmë tjetër. Tirana dhe Kharkivi janë qytete motra – ne jemi zotuar të rindërtojmë shkolla aty dhe të japim ekspertizën tonë në rimëkëmbjen e Ukrainës”, ka shkruar Veliaj.
🇺🇦 Great meeting President @ZelenskyyUa in #Kyiv, very grateful of 🇦🇱 & @ediramaal support in @UN Security Council, refugee support & all forms of aid!
Tirana is sister city w. #Kharkiv where we've committed to rebuild schools & share expertise in the 🇺🇦 reconstruction effort! pic.twitter.com/vWpUu1CGYj
— Erion Veliaj #EYC2022 🇪🇺🇦🇱 (@erionveliaj) August 20, 2022
Kryebashkiaku Veliaj gjithashtu shprehu mirënjohjen për Datio Nardellan, presidentin e Eurocities, që mori drejtimin e 8 qyteteve ta para për fillimin e rindërtimit të Ukrainës.
“Jam shumë krenar për Dario Nardellan – Presidentin tonë të Eurocities – që mori drejtimin e 8 qyteteve të para që nismuan procesin e përpjekjeve për rindërtimin e Ukrainës, çka shpresoj se do të ndiqet edhe nga qytete të tjera. Shqipëria, me rimëkembjen pas tërmetit, mund të japë shumë mësime që ia vlejnë të dëgjohen”, shprehet Veliaj.
I am so proud of @DarioNardella – our @EUROCITIES President – for taking the leadership of the first 8 cities to initiate this process in the 🇺🇦 reconstruction effort which will hopefully be followed by the others!
🇦🇱 earthquake recovery offers plenty of lessons worth sharing! pic.twitter.com/vwE2qYNsHi
— Erion Veliaj #EYC2022 🇪🇺🇦🇱 (@erionveliaj) August 20, 2022
Erion Veliaj është takuar gjithashtu edhe me kryebashkiakun e Kiveit, Vitaliy Klychko, ku sipas tij, Klychko ka udhëhequr qytetin në kohët më të vështria.